خیبرپختونخوا حکومت نے دورہ افغانستان کیلئے ٹی او آرز تیار کرلیے: بیرسٹر سیف

(ویب ڈیسک)مشیرِ اطلاعات خیبرپختونخوا بیرسٹر محمد علی سیف نے کہا ہے کہ صوبائی حکومت نے افغانستان کے دورے کے لیے ٹی او آرز تیار کرلیے ہیں۔

بیرسٹر سیف نے اس حوالے سے کہا ہے کہ افغانستان سے بات چیت کے لیے 2 وفد جائیں گے، پہلا وفد مذاکرات کے لیے ماحول ساز گار بنانے اور سفارتی امور نمٹانے کے حوالے سے کام کرے گا۔

 بیرسٹر سیف کا کہنا ہے کہ دوسرا وفد کئی اسٹیک ہولڈرز پر مشتمل ہوگا، وفد بھیجنے کا مقصد کراس بارڈر ٹرائبل ڈپلومیسی کو مضبوط کرنا اور اقتصادی اور معاشرتی تعلقات کو فروغ دینا ہے۔

یہ بھی پڑھیں:ڈمپرز روزانہ کراچی کے شہریوں کو مار رہے ہیں کیا وہ وفاق کا مسئلہ ہے؟ عظمیٰ بخاری

انہوں نے بتایا کہ وہ اس حوالے سے رابطہ کاری کے لیے فوکل پرسن بھی ہوں گے،خیبرپختونخوا حکومت مذاکرات کے لیے وفاقی حکومت سے رابطے میں رہے گی۔