( 24نیوز)وزیراعلیٰ پنجاب کی معان خصوصی ڈاکٹر فردوس عاشق اعوان نے کہا ہے کہ پی ڈی ایم کو راولپنڈی والے چائے پلائیں گے جبکہ اسلام آباد والے کشمش والا حلوہ اور پنجاب والے لسی پلائیں گے تاکہ انہیں معلوم ہو کہ لسی سردیوں میں کیا اثر کرتی ہے۔
تفصیلات کے مطابق ایوان وزیراعلیٰ میں وزیراعظم کے دورے پر بریفنگ دیتے ہوئے فردوس عاشق نے کہا کہ مہنگائی پر قابو پانے کے لئے زرعی اصلاحات کی منظوری دی ہے جبکہ چیف سیکرٹری اور آئی جی پنجاب کو بہتر کارکردگی پر تھپکی دی ہے۔پی ڈی ایم کے ٹولے پر مایوسی کی دھند چھائی ہوئی ہے۔ پنجاب حکومت کا مشورہ ہے کہ ٹھنڈے موسم میں سب گھر بیٹھیں۔پٹرولیم مصنوعات کی قیمتوں میں اضافے پر مریم نواز کے تحفظات کے حوالے سے ان کا کہنا تھا کہ ہماری حکومت معیشت کے فیصلے زمینی حقائق کو سامنے رکھ کر کر رہی ہے مریم نواز مشہور زمانہ قطری خط کی طرح حقائق سے ناواقف ہیں۔