مری میں کل سے برفباری ۔۔ سیاحوں کی سہولت کیلئے اہم اقدامات کا فیصلہ

 (24 نیوز)محکمہ موسمیات نے مری میں (آج) پیر سے برفباری کی پشین گو ئی کر دی جس کے بعد سی ٹی او راولپنڈی نے مری میں متوقع برفباری اور سیاحوں کی سہولت کے پیش نظرڈی ایس پی ٹریفک مری سمیت سٹاف سے اہم اجلاس کیا ۔جس کے بعد مری میںٹریفک کی بلا رکاوٹ روانی اور کسی قسم کی ناگہانی صورتحال سے نمٹنے کےلئے اضافی نفری تعینات کر دی گئی ۔
ترجمان ٹریفک پولیس کے مطابق ضلعی انتظامیہ کے حکم پر زائد گاڑیوں کے داخلہ کو روکنے کےلئے تمام داخلی راستوں پر خصوصی پکٹس قائم کئے جانے کے احکامات جاری کر دیئے گئے ۔ ترجمان ٹریفک پولیس کے مطابق برفباری کے دوران روڈ سے برف ہٹانے کےلئے ہائی وے کی مشینری کے ساتھ ٹریفک اہلکار تعینات کیا جائے۔سی ٹی او راولپنڈی تیمور خان کے مطابق پنجاب اور خیبر پختون خوا ہ کے بارڈر باڑیاں تک اضافی ڈیوٹی لگائی جائے۔
چیف ٹریفک آفیسر راولپنڈی تیمور خان کے مطابق کسی قسم کی ناگہانی صورتحال سے نمٹنے کےلئے تمام سٹاف کے پاس تمام محکمہ جات کے ایمرجنسی نمبر محفوظ ہوں۔سی ٹی او راولپنڈی کے مطابق ڈیوٹی آفیسر اپنے دفتر میں تمام محکمہ جات کے ایمرجنسی نمبر آویزاں کرے گا۔چیف ٹریفک آفیسر راولپنڈی تیمور خان کے مطابق ڈیوٹی آفیسر کسی جگہ بھی ایمرجنسی کی صورت میں متعلقہ محمکہ سے بر وقت رابطہ کر کے روڈ کو فوری کلیر کروائے گا۔سی ٹی ا و راولپنڈی کے مطابق سیاحوں کی بروقت مدد کےلئے کرین و ٹو ٹرک اہم پوائنٹس پر موجود ہوں گے۔سی ٹی وی راولپنڈی کے مطابق فٹر اور بیٹ انچارجز پیڑولنگ حالت میں رہیں گے ، کسی صورت رانگ پارکنگ نہیں ہونے دیں گے۔سی ٹی او راولپنڈی کے مطابق سیاحوں کی سہولت کےلئے قائم کردہ کنٹرول روم پر لینڈ لائن نمبر کے ساتھ ایک موبائل فون نمبر بھی فراہم کیا جائے گا۔
یہ بھی پڑھیں۔مری کو سیاحوں کیلئے کھول دیا گیا۔۔ کتنی گاڑیاں داخل ہوں گی؟