گوشوارے جمع نہ کروانے پر 271 اراکین پارلیمنٹ کی رکنیت معطل

(عثمان خان) الیکشن کمیشن ذرائع کے مطابق سالانہ گوشواروں کی تفصیلات جمع نہ کروانے والے سینیٹ کے 21 اور قومی اسمبلی کے 136 ارکان کی رکنیت معطل کی گئی ہے۔

علاوہ ازیں سندھ اسمبلی کے 48، خیبر پختونخواء اسمبلی کے 54 اور بلوچستان اسمبلی کے 12 ارکان کی رکنیت معطل کردی گئی ہے۔

بتایا گیا ہے کہ سینیٹر شوکت ترین، سینیٹر عبدالغفور حیدری اور سینیٹر احمد خان کی سینیٹ رکنیت بھی معطل کی گئی ہےجبکہ احسن اقبال، تاج حیدر، فواد چودھری، مراد سعید، زرتاج گل، طارق بشیر چیمہ، نوید قمر، اسد عمر اور عمر ایوب بھی رکنیت معطل کیے جانے والے اراکین میں شامل ہیں۔

یہ بھی پڑھیے: عمران خان اور فواد چوہدری کے وارنٹ گرفتاری معطل

الیکشن کمیشن کے مطابق معطل ارکان، قومی و صوبائی اسمبلی اور سینیٹ کے اجلاسوں میں شریک نہیں ہوسکیں گے۔ علاوہ ازیں معطل ارکان اعتماد کے ووٹ سمیت قانون سازی میں بھی شامل نہیں ہو سکتے۔

رکنیت معطلی کے بعد الیکشن کمیشن نے قومی و صوبائی اسمبلیوں کے اسپیکرز اور چیئرمین سینیٹ کو معطل ارکان کی فہرست بھجوا دی ہے۔