بارش برسانے والا سسٹم شدت اختیار کرگیا، کراچی والے تیار ہوجائیں

(ویب ڈیسک) کراچی میں بارش برسانے والا سسٹم شدت اختیار کرگیا ہے۔ محکمہ موسمیات نے ہیوی مون سون رین الرٹ جاری کردیا ہے۔ جس کے مطابق ہوا کا کم دباؤ شمال مشرقی بحیرہ عرب میں شدت اختیار کرگیا ہے۔

محکمہ موسمیات نے پیش گوئی کی ہے کہ کراچی میں آج شام سے بارش برسانے والے سسٹم میں شدت متوقع ہے۔ الرٹ میں کہا گیا ہے کہ کراچی سمیت سندھ کے نشیبی علاقے زیرآب آنے کا خدشہ ہے۔ 

یہ بھی پڑھیں: ضمنی الیکشن سے ایک دن قبل ن لیگ کا بڑا سیاسی نقصان

محکمہ موسمیات کے مطابق کراچی میں 18 جولائی تک موسلادھار بارشوں کا امکان ہے۔ اس کے علاوہ حیدرآباد، ٹھٹھہ، بدین، میرپورخاص، عمر کوٹ، دادو، نواب شاہ، لاڑکانہ اور سکھرمیں بھی موسلادھار بارشیں متوقع ہے، جس سے اربن فلڈنگ کا خدشہ ہے۔

الرٹ میں کہا گیا ہے کہ ندی نالوں میں طغیانی آسکتی ہے، ماہی گیروں کوکھلےسمندر میں نہ جانے کی ہدایت کی گئی ہے۔