بھارت:مسافروں سے بھری بس پُل سے نیچے جاگری،ویڈیو وائرل

(ویب ڈیسک)بھارتی ریاست اتراکھنڈ میں مسافروں سے بھری بس پُل سے نیچے گرگئی جس کے نتیجے میں درجنوں افراد زخمی ہوگئے۔

بھارتی میڈیا رپورٹس کے مطابق گزشتہ روز بھارتی ریاست اتراکھنڈ کے شہر ہریدوار میں ایک تیز رفتار مسافر بس پُل سے نیچے جاگری، سوشل میڈیا پر حادثے کی ویڈیو پر صارفین گہرے رنج و غم کا اظہار کررہے ہیں۔

اس حوالے سے مقامی پولیس حکام کا کہنا ہے کہ مذکوہ مسافر بس کے حادثے میں 24 مسافر زخمی ہوئے جس میں خواتین اور بچے بھی شامل ہیں۔ اسپتال پہنچائے جانے والے زخمی مسافروں میں چار کی حالت تشویشناک بتائی جارہی ہے۔

رپورٹ کے مطابق اتر پردیش اسٹیٹ روڈ ٹرانسپورٹ کارپوریشن کی بس نیچے کھڑی گاڑیوں پر گری جس سے کچھ کاروں کو نقصان پہنچا۔

حادثے کی اطلاع ملتے ہی پولیس اور امدادی کارکنان جائے وقوعہ پر پہنچ گئے اور زخمیوں کو ریسکیو کیا، حادثے کی تفصیلی وجوہات سے متعلق تحقیقات جاری ہیں۔

یہ بھی پڑھیں : کیا واقعی کترینہ کیف ماں بننے والی ہیں ؟وکی کوشل نے بتا دیا
یاد رہے کہ گزشتہ سال بھی بھارتی ریاست مدھیہ پردیش میں یاتریوں کی بس پُل سے گرگئی تھی جس کے نتیجے میں 15 افراد ہلاک اور 25 زخمی ہوگئے تھے۔ بھارتی میڈیا کے مطابق حادثے کے وقت بس میں 50 سے زائد مسافر سوار تھے۔