وزیر داخلہ کی بنوں حملہ کی مذمت ، شہدا کو خراج عقیدت پیش
قوم کے بہادر جوانوں نے جان دے کر دہشتگردی کا بڑا منصوبہ خاک میں ملایا : محسن نقوی
![وزیر داخلہ کی بنوں حملہ کی مذمت ، شہدا کو خراج عقیدت پیش](https://www.24urdu.com/digital_images/large/2024-07-16/news-1721116965-5180.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24 نیوز) وفاقی وزیرداخلہ محسن نقوی نے دہشتگردوں کے بنوں چھاؤنی پر بزدلانہ حملے کی شدید الفاظ میں مذمت کرتے ہوئے حملہ ناکام بنانےپر سکیورٹی فورسز کو خراج تحسین کیا۔
وزیر داخلہ محسن نقوی نے حملے میں شہید ہونے والے سکیورٹی فورسز کے 8 جوانوں کو خراج عقیدت پیش کرتے ہوئے شہداء کے لواحقین سے دلی ہمدردی و اظہار تعزیت کیا،اپنے پیغام میں ان کا کہنا تھا کہ قوم کے بہادر جوانوں نے جان دے کر دہشتگردی کا بڑا منصوبہ خاک میں ملایا اور 10 دہشتگردوں کو جہنم واصل کیا، سکیورٹی فورسز کے بہادروں نے دہشتگردی کی سازش کو ناکام بنایا، دہشتگردو ں کے مذموم عزائم خاک میں ملانے پر سکیورٹی فورسز کی جرات کو سلام پیش کرتے ہیں۔
محسن نقوی نے کہا کہ شہدا پوری قوم کا فخر ہیں اور ہم سب شہداء کے خاندانوں کے ساتھ کھڑے ہیں، شہداء کی عظیم قربانیوں کو ہمیشہ یاد رکھا جائے گا، دشمن پاکستان میں عدم استحکام پیدا کرنے کی گھناؤنی سازش کر رہا ہے۔
وزیر داخلہ کا مزید کہنا تھا کہ اتحاد و اتفاق کی قوت سے دہشتگردی کے ناسور کا خاتمہ کریں گے، زخمی اہلکاروں کی جلد صحت یابی کےلئے دعا گو ہیں۔