ہماری حکومت مہنگائی کی ذمہ دار نہیں ،نائب وزیراعظم اسحاق ڈار
![ہماری حکومت مہنگائی کی ذمہ دار نہیں ،نائب وزیراعظم اسحاق ڈار](https://www.24urdu.com/digital_images/large/2024-07-16/news-1721133406-2132.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24 نیوز ) پاکستان مسلم لیگ (ن) کے سینئر رہنما نائب وزیراعظم و وزیر خارجہ اسحاق ڈار کا کہنا ہے کہ ہماری حکومت مہنگائی کی ذمہ دار نہیں ہے، نواز شریف کے دورِ حکومت میں مہنگائی پر قابو پالیا گیا تھا۔
لاہور میں میڈیا سے گفتگو کرتے ہوئے اسحاق ڈار کا کہنا تھا کہ پاکستان تحریکِ انصاف (پی ٹی آئی) پر پابندی لگانے کا ابھی حتمی فیصلہ نہیں ہوا ہے، پہلے معاملے کو لیڈرشپ دیکھے گی اس کے بعد ہمارے جو اتحادی ہیں ان سے مشورہ ہوگا لیکن پابندی کا فیصلہ قانون اور آئین کے مطابق لیا جائے گا،اسحاق ڈار کا مزید کہنا تھاکہ شہباز شریف کی قیادت میں ملک معاشی استحکام کی جانب گامزن ہے، پاکستان نےایک معاشی قوت بننا ہے، وہ دن دور نہیں جب مہنگائی ختم ہوگی، پاکستان معاشی طور پر مستحکم ہو کر ابھرے گا۔
ان کا کہنا تھا کہ پی ٹی آئی فارن فنڈڈ جماعت ہے، اتحادیوں سے مشاورت کے بعد پی ٹی آئی پر پابندی کا فیصلہ ہوگا،نائب وزیراعظم نے کہا کہ ہم آئین و قانون کے تحت ملکی معاملات کو چلائیں گے، بانی پی ٹی آئی کی طرح آئین وقانون سے کھلواڑ نہیں کریں گے۔
یہ بھی پڑھیں : شیر گڑھ نہر میں کشتی اُلٹنےسے 7 بچے ڈوب گئے