بہو کی رخصتی پر سسر مکیش امبانی جذباتی ہوگئے ، ویڈیو وائرل
Stay tuned with 24 News HD Android App
(24نیوز) بھارتی کھرب پتی شخص مکیش امبانی اپنے بیٹے اننت امبانی کی شادی کے دن اپنے جذبات پر قابو نہ رکھ سکے، سوشل میڈیا پر ان کی ویڈیووائرل ہو رہی ہے۔
عام طور پر دلہن کا باپ اپنی بیٹی کی رخصتی کے موقع پر زار وقطار رو پڑتا ہے لیکن مکیش امبانی اپنی بہو رادھیکا مرچنٹ کی رخصتی پر رو پڑے جس کا منظر کیمرے کی آنکھ نے محفوظ کرلیا، اننت امبانی سے شادی کے بعد رادھیکا مرچنٹ کی رخصتی کی ویڈیو وائرل ہورہی ہے،امبانیز نے شادی کی تقریبات کے سلسلے میں ایک مہنگے ترین کروز پر بھی مہمانوں کو مدعو کیا اور پھر شادی سے ایک ہفتہ قبل سنگیت کی تقریب کا آغاز ہوا جس میں گلوکار جسٹن بیبر نے دھواں دھار پرفارمنس کی،پھر شادی کی تین روزہ تقریبات کا آغاز ہوا جس میں بالی ووڈ اداکاروں سمیت مشہور عالمی شخصیات نے اننت امبانی کی شادی میں شرکت کر کے تقریب میں چار چاند لگائے،وہیں آخر میں رادھیکا اننت کی رخصتی کی ویڈیو سوشل میڈیا پر سامنے آئی جس نے سوشل میڈیا صارفین کو بھی غمزدہ کیا۔
ویڈیو میں دیکھا جاسکتا ہے کہ رخصتی کے وقت جہاں دلہن جذباتی ہے وہیں ارب پتی تاجر بھی رو پڑے اور وہ اپنے آنسو پوچھتے نظر آئے۔
یہ ویڈیو سوشل میڈیا کی زینت بنی ہوئی ہے جس پر صارفین نے مکیش امبانی کو حساس انسان قرار دیا۔
یہ بھی پڑھیں:نریندر مودی ایکس پر زیادہ فالورز رکھنے والے دنیا کے دوسرے سیاستدان بن گئے