(24 نیوز)ابوظہبی کے شیخ زید سٹیڈیم میں کھیلے جانیوالے پی ایس ایل کے 24ویں میچ میں پشاور زلمی نے کراچی کنگز کو 6 وکٹ سے شکست دے دی۔حضرت ﷲ زازئی کی طوفانی بیٹنگ۔
تفصیلات کے مطابق پشاور زلمی کے کپتان وہاب ریاض نے ٹاس جیت کر کراچی کنگز کو پہلے بیٹنگ کی دعوت دی ۔ کراچی کنگز نے مقررہ 20 اوورز میں9 وکٹوں کے نقصان پر 108 رنز بنائے۔ آسان ہدف کے باوجود پشاور زلمی کے حضرت ﷲ زازئی نے طوفانی بیٹنگ کی۔ انہوں نے 26 گیندوں پر 63 رنز بنائے جس میں 4 چھکے اور 8 چوکے شامل تھے۔پشاور زلمی نے 109رنز کا ہدف محض11 اوورز میں 4 وکٹوں کے نقصان پر حاصل کرلیا۔کراچی کنگز کے کپتان عماد وسیم نے زلمی کے دو کھلاڑیوں کو آؤٹ کیا۔
یہ بھی پڑھیں: کوئٹہ گلیڈی ایٹرز نے لاہور قلندرز کو 18رنز سے شکست دیدی