(24 نیوز) آج کشمیر، پنجاب ، خیبر پختونخوا، گلگگت بلتستان اور شمال مشرقی بلوچستان میں آندھی اور گرج چمک کے ساتھ بارش کا امکان جبکہ جنوبی بلوچستان میں موسم شدید گرم رہے گا۔
محکمہ موسمیات کے مطابق آج چند مقامات پر موسلادھار بارش اور ژالہ باری کی بھی توقع ہے۔بالائی سندھ میں آند ھی اور گرج چمک کے ساتھ بارش کا بھی امکان ہے۔ ملک کے دیگر اضلاع میں موسم گرم اور خشک جبکہ جنوبی بلوچستان میں شدید گرم رہے گا۔اسلام آباد میں مطلع جزوی ابر آلود رہنے کے علاوہ آندھی /گرج چمک کے ساتھ بارش اور ژ الہ باری کا امکان ہے۔ گزشتہ24 گھنٹوں کے دوران کشمیر، پنجاب ، خیبر پختونخوا اور گلگت بلتستان میں آندھی اور گرج چمک کے ساتھ بارش ہوئی۔ملک کے دیگر اضلاع میں موسم گرم اور خشک جبکہ سندھ ، جنوبی اور وسطی بلوچستان میں شدید گرم رہا۔