آئی ایم ایف معاہدے کی وجہ سے پیٹرول کی قیمتیں بڑھانے کے علاوہ کوئی چارہ نہیں: وزیراعظم

(24 نیوز) وزیراعظم شہباز شریف نے کہا ہے کہ پٹرولیم مصنوعات کی قیمتوں میں اضافے کے اثرات سے بخوبی آگاہ ہیں، آئی ایم ایف معاہدے کی وجہ سے قیمتیں بڑھانے کے علاوہ کوئی چارہ نہیں۔

Acutely aware of the impact that a fuel price hike causes. Govt is left with no choice but to raise the prices due to IMF deal that PTI govt signed. Will take the nation into confidence on the specifics of the IMF-PTI deal soon. We will get out of these economic difficulties, IA.

— Shehbaz Sharif (@CMShehbaz) June 16, 2022

وزیراعظم شہباز شریف نے سماجی رابطے کی ویب سائٹ پر ٹویٹ کرتے ہوئے کہا کہ آئی ایم ایف اور پی ٹی آئی حکومت کی ڈیل کی تفصیلات سے جلد قوم کو آگاہ کریں گے، ہم معاشی مشکلات سے نکلیں گے، آئی ایم ایف معاہدے پر پی ٹی آئی حکومت نے دستخط کیے تھے۔

شہباز شریف کا کہنا تھا کہ جن لوگوں نے آئی ایم ایف کیساتھ بدترین معاہدہ کیا ان کا ضمیر ہے یا نہیں، جن لوگوں نے برے معاشی فیصلے کیے، ان میں سچ کا سامنا کرنے کا حوصلہ ہے یا نہیں، وہ لوگ کیسے بے گناہ ہونے کا بہانہ کر سکتے ہیں جن کی وجہ سے قوم کرب سے گزر رہی ہے۔

I wonder whether those who struck the worst ever deal with IMF & took patently bad economic decisions have the conscience to face the truth. How can they pretend to be innocent when what the nation is going through is clearly their doing? Details soon https://t.co/6Cjeimgfd1

— Shehbaz Sharif (@CMShehbaz) June 16, 2022

 یہ بھی پڑھیں:حکومت نے عوام پر پھر پٹرول بم گرادیا

خیال رہے گزشتہ روز وفاقی وزیر خزانہ مفتاح اسماعیل نے پٹرول اور ڈیزل کی قیمتوں میں مزید اضافے کا اعلان کیا۔ وزیر مملکت پٹرولیم مصدق ملک کے ہمراہ پریس کانفرنس کرتے ہوئے مفتاح اسماعیل نے کہا کہ انٹرنیشنل قیمت پٹرول کی قیمتیں 120 ڈالر فی بیرل ہیں، ہم ابھی بھی پٹرول کی قیمت میں24 روپے فی لٹر کا نقصان کر رہے ہیں، پٹرول کی مد میں ماہانہ 120 ارب روپے سبسڈی دے رہے تھے۔

 وفاقی وزیر خزانہ نے کہاکہ ملک میں پہلی اور 15 تاریخ کو پٹرولیم مصنوعات کی قیمتوں میں اعلان کیا جاتا ہے، فروری میں عمران خان نے پٹرولیم مصنوعات کی قیمتوں سے متعلق قدم اٹھایا،عمران خان نے جان بوجھ کر پٹرول قیمتیں کم کی تھیں، عمران خان نے آئی ایم ایف سے معاہدے کی خلاف ورزی کی۔ ان کا کہنا تھا کہ میں نے ملک کے حالات میں کبھی اتنا بگاڑ نہیں دیکھا، عمران خان نے جو معاہدے کئے ان کی وجہ سے ہمارے ہاتھ جکڑے ہوئے ہیں، اللہ تعالیٰ سے امید ہے ہم جلد ان برے حالات پر قابو پالیں گے۔

 مفتاح اسماعیل نے کہاکہ عالمی مارکیٹ میں تیل گندم اور خوردنی آئل کی قیمتوں میں اضافہ ہواہے۔ انہوں نے کہاکہ پٹرول کی قیمت میں 24 روپے 3 پیسے فی لٹر کا اضافہ کیا جارہا ہے جس سے پٹرول کی نئی قیمت 233 روپے 89 پیسے فی لٹر ہو گئی،مفتاح اسماعیل نے کہناتھا کہ ڈیزل کی قیمت میں 59 روپے 16 پیسے فی لٹر اضافہ کیا گیا ہے جس سے ڈیزل کی نئی قیمت 263 روپے 31 پیسے ہو گئی،مٹی کا تیل 29 روپے 49پیسے مہنگاہو گیا جس سے نئی قیمت 211 روپے 43 پیسے ہو گئی،نئی قیمتوں کا اطلاق رات 12 بجے سے ہوگا۔