حمزہ شہباز کا اقتدار خطرے میں؟ پنجاب اسمبلی سے بڑی خبر آگئی

(ویب ڈیسک) ڈپٹی اسپیکر پنجاب اسمبلی دوست مزاری کی نااہلی کا ریفرنس اسپیکر پنجاب اسمبلی کو آئین کے آرٹیکل 63 (2) کے تحت بھیج دیا گیا۔

ریفرنس میں موقف اپنایا کہ دوست مزاری نے ایوان اقبال میں اجلاس کی صدرات کر کے حلف کی خلاف ورزی کی جبکہ دوست مزاری اس سے قبل بھی پنجاب اسمبلی گیلری میں غیر قانونی صدارت کر چکے ہیں، گیلری میں اجلاس کیا، پولیس بلائی اور تشدد کیا۔

یہ بھی پڑھیں:آئی ایم ایف معاہدے کی وجہ سے پیٹرول کی قیمتیں بڑھانے کے علاوہ کوئی چارہ نہیں: وزیراعظم

ریفرنس کے مطابق دوست مزاری ایوان اقبال میں اجلاس بلا کر آرٹیکل 62 ون ڈی، 62 (1) (e) اور دیگر آرٹیکلز کی خلاف ورزی کے مرتکب ہوئے ہیں، آرٹیکل 63 اے اور سپریم کورٹ کے حالیہ فیصلے کی بھی خلاف ورزی دوست مزاری نے کی ہے۔ دوست مزاری نے پارٹی ہدایات کے برعکس اجلاس کی صدارت کی۔

استدعا کی گئی کہ الیکشن کمیشن حلف کی پاسداری نہ کرنے پر دوست مزاری کو نااہل قرار دے۔ ریفرنس کی کاپی الیکشن کمیشن آف پاکستان کو بھی بھجوائی گئی ہے۔