(ویب ڈیسک )عالیہ بھٹ نے انسٹاگرام اکائونٹ پر فلم کا ایک پوسٹر شیئر کیا ہے، جس پر اداکارہ مونی رائے کو ولن کے روپ میں دیکھا جاسکتا ہے۔
ویڈیو اپلوڈ کرتے ہوئے اداکارہ نے مونی رائے کی تعریف کرتے ہوئے لکھا کہ سب اپنے آپ کو قابو میں رکھیں، کیونکہ یہ ’کوئین آف ڈارکنیس‘ ہیں۔اُنہوں نے مزید لکھا کہ برہمسترا کا حصول جذبہ سے طے ہوتا ہے، اس لیے جنون یعنی ہماری ’کوئین آف ڈارکنیس‘ سے ملیے!
دوسری جانب، فلم کے ڈائریکٹر آیان مکھرجی نے بھی اپنے انسٹاگرام اکاؤنٹ پر فلم میں مونی رائے کی شاندار اداکاری کی تعریف کی ہے۔
اُنہوں نے بھی مونی رائے کی تعریف کرتے ہوئے لکھا کہ مونی کو پہلی ملاقات کے دوران ہی میں نے فلم برہمسترا میں ’خصوصی انٹری‘ کے لیے پیشکش کی تھی، اور پھر فلم کی شوٹنگ کے پہلے دن سے لے کر آخر تک ہمارے ساتھ شوٹنگ کی، مونی رائے اس فلم کا سرپرائز پیکج ہے۔
خیال رہے کہ فلم’برہمسترا‘ رواں سال 9 ستمبر کو متعدد زبانوں میں سنیما گھروں کی رونق بنے گی