شوبز شخصیات:عمران خان کی گرفتاری پر غصے کا اظہار
Stay tuned with 24 News HD Android App
(24نیوز) پاکستان شوبز شخصیات کی جانب سے تحریکِ انصاف کے چیئرمین عمران خان کی ممکنہ گرفتاری پر غم و غصے کا اظہار کیا جارہا ہے۔
فنکاروں کی ایک بڑی تعداد عمران خان کے حامیوں میں سےایک ہے اور موجودہ حکومت کے خلاف آواز اُٹھاتی دکھائی دیتی ہے تاہم عمران خان کی ممکنہ گرفتاری کیلئے لاہور زمان پارک کی کشیدہ صورتحال پر ان فنکاروں کی جانب سے سوشل میڈیا پر شدید مذمت کی جارہی ہے۔
پاکستان شوبز کی سینئر اداکارہ اور پی ٹی آئی کے صوبائی اسمبلی کی اہلیہ عتیقہ اوڈھو نے انسٹاگرام پر عمران خان کی ایک ماضی کی تصویر شیئر کرتے ہوئے ان کی حفاظت کی دعائیں کیں۔
View this post on Instagram
عتیقہ اوڈھو نے کہا کہ جیسا عمران خان کے ساتھ سلوک کیا جارہا، کوئی بھی اس کا مستحق نہیں ہے۔
It's incredible to witness people from all walks of life coming together with a shared sense of purpose, fueled by their passion and dedication. Such an outpouring of support for a leader is unprecedented in the history of our country #PeoplePower #PTIfamily
— Adnan Siddiqui (@adnanactor) March 15, 2023
سینئر اداکار عدنان صدیقی نے ٹوئٹر پر اپنے خیالات کا اظہار کرتے ہوئے کہا کہ انہوں نے ہر شعبے سے تعلق رکھنے والے افراد کو اس سے قبل کبھی اس جذبے کے ساتھ کسی لیڈر کیلئے اکھٹا ہوتے نہیں دیکھا۔
گلوکار فرحان سعید نے ملکی صورتحال پر افسوس کا اظہار اور عمران خان کی حمایت کرتے ہوئے لکھا کہ جب عمران خان وزیرِ اعظم بنے تو بہت سے فنکاروں نے ان کی حمایت کی اور انہیں مبار کباد بھی دی یہاں تک کہ یہ لوگ ان سے ملاقات کرنے بھی گئے۔
When @ImranKhanPTI became PM, all the actors , players were so quick to congratulate him, even go and meet him, today either they have changed their opinion about him which is fair enough, they have all the right or they’re scared to speak which is worrisome.#ZamanPark pic.twitter.com/mRIuE9WpjQ
— Farhan Saeed (@farhan_saeed) March 15, 2023
فرحان سعید نے ساتھی فنکاروں کے ساتھ مایوسی کا اظہار کرتے ہوئے لکھا کہ اب یا تو انہوں نے عمران خان کے بارے میں اپنی رائے بدل لی ہے جو کہ سب کا حق ہے یا پھر وہ بولنے سے گھبرا رہے ہیں جو کہ ایک تشویشناک بات ہے۔
اداکارہ مایہ علی نے بھی عمران خان کے ساتھ اظہار ِ یکجہتی کرتے ہوئے ان کی حفاظت کی دعا کی اور ان کے ساتھ کھڑے رہنے کا دعویٰ کیا۔
اداکار فہد مرزا نے لاہور کی کشیدہ صورتحال پر افسوس کا اظہار کرتے ہوئے لکھا کہ اب وہ یہ ماننے پر مجبور ہوگئے ہیں کہ یہ شام ہے یہ لوگ عمران خان کو زہر دینا چاہتے ہیں جو ہفتوں اور مہینوں بعد اثر کرے گا۔
مزیدپڑھیں: خون خرابہ،ڈنڈوں،پتھروں،پٹرول بموں سے حملہ،عمران خان گرفتاری دیں گے؟
یاد رہے کہ عمران خان کے ناقابل ِضمانت وارنٹ گرفتاری جاری ہونےکے پولیس اور رینجرز کی بھاری نفری گزشتہ رات سے زمان پارک میں عمران خان کی رہائش گاہ سے انہیں گرفتار کرنے کی کوشش کر رہی ہے تاہم انہیں پی ٹی آئی کارکنان اپنے قائد کی حفاظت کیلئے ڈٹے ہوئے ہیں جن کا کہنا ہے کہ پولیس کو ان کی لاش سے گزر کر عمران خان کو گرفتار کرنا ہوگا۔