(احمد منصور)بلوچستان کے ضلع نوشکی میں خودکش حملے میں 3سکیورٹی اہلکاروں سمیت 5افراد شہید ہو گئے۔
پاک فوج کے شعبہ تعلقات عامہ آئی ایس پی آر کے مطابق نوشکی میں خودکش حملہ آور نے سیکیورٹی فورسز کے قافلے پر خود کو دھماکے سے اُڑا لیا، خودکش حملے میں 5 افراد شہیدہو گئے جن میں3 سیکیورٹی اہلکار اور 2 معصوم شہری شامل ہیں۔
آئی ایس پی آر کے مطابق شہداء میں حوالدار منظور علی، حوالدار علی بلاول، نائیک عبد الرحیم، جلال الدین اور محمد نعیم شامل ہیں،شہداء کا تعلق نواب شاہ، نصیر آباد، بدین، کوئٹہ اور خاران سے ہے۔
سیکیورٹی فورسز کی جوابی کارروائی میں3 دہشت گرد ہلاک ہو گئے، آئی ایس پی آر کاکہنا ہے کہ علاقے میں کلیئرنس آپریشن جاری ہے،جو دہشت گردوں کے خاتمے تک کارروائی جاری رہے گی،آئی ایس پی آر کاکہنا ہے کہ دہشت گردوں کے خلاف سخت کارروائی جاری ہے، حملے کے ذمہ داران کو کیفر کردار تک پہنچایا جائے گا،ان کاکہناتھا کہ سیکیورٹی فورسز اور قوم مل کر بلوچستان کے امن، استحکام اور ترقی کے دشمنوں کے خلاف متحد ہیں،شہداء کی قربانیاں ہمارے عزم کو مزید مضبوط کرتی ہیں۔
یہ بھی پڑھیں:کرک میں سوئی گیس آفس اور تھانوں پر حملے، 2 اہلکار شہید