(ویب ڈیسک) معروف اداکارہ سارہ خان کو اپنے کپڑوں کے برینڈ کو افورڈیبل کہنامہنگاپڑگیا۔
اپنی خوبصورتی اورجاندار اداکاری کے باعث مقبولیت حاصل کرنے والی اداکارہ سارہ خان نے حال ہی میں اپنا کپڑوں کا برینڈ متعارف کروایا ہے، جس کا نام انہوں نے اپنی بیٹی علیانہ فلک کے نام پر رکھا ہے۔
چند روز قبل سارہ خان ایک نجی ٹی وی کے مارننگ شو میں اپنی بیٹی علیانہ فلک کے ہمراہ شریک ہوئیں، جہاں انہوں نے اپنے برینڈ کی تشہیر کی اور اپنے برینڈ کے ملبوسات کو افورڈیبل یعنی عام آدمی کی پہنچ میں قرار دیا۔
ان کے اس دعوے کو سوشل میڈیا صارفین سختی سے مسترد کرتے ہوئے انہیں شدید تنقید کا نشانہ بنارہے ہیں۔
کئی ڈیجیٹل انفلوئنسرز اور انسٹاگرام پیجز نے ان پرتنقیدکرتے ہوئے کہاہے کہ ان کے برینڈ کے ملبوسات کی قیمتیں عام عوام کی پہنچ سے بہت دور ہیں۔
سارہ خان کے اس بیان کے بعد سوشل میڈیا پر کئی صارفین نے ناپسندیدگی کا اظہارکرتے ہوئےاس پر دلچسپ تبصرے بھی کیے ہیں،ایک صارف نے لکھا کہ یہ بالواسطہ طور پر ہمیں غریب کہہ رہی ہیں،کئی صارفین نے طنز کرتے ہوئے کہاہے کہ سارہ خان کی بات سن کر مجھے اپنی غربت کا شدت سے احساس ہونے لگا ہے۔
یہ بھی پڑھیں:عمران اشرف کی بیٹے کے ہمراہ مسجدنبوی میں حاضری،تصاویرشیئرکردیں
سارہ خان نے ابھی تک اس تنقید پر کوئی باضابطہ جواب نہیں دیاہے۔