(ویب ڈیسک)ٹک ٹاکر مناہل ملک نے عمرے کی سعادت حاصل کرلی۔
رمضان المبارک کے مقدس مہینے میں ٹک ٹاکر مناہل ملک نے زندگی کا پہلا عمرہ ادا کرکے اپنے دل کی گہرائیوں سے اللہ کا شکر ادا کیا۔
مناہل ملک نے اپنے عمرے کے سفر کو انسٹاگرام پر ایک منی وی لاگ کی صورت میں شیئر کیا، جس میں انہوں نے اپنے گھر سے لے کر خانہ کعبہ پر پہلی نظر پڑنے تک کے تمام مناظر کو کیمرے میں قید کیا، وی لاگ کا آغاز ان کے کمرے سے ہوا، جہاں انہوں نے سفید عبایا پہنا اور سامان لے کر ائیر پورٹ کی طرف روانہ ہوگئیں۔
ہوائی جہاز سے لے کر سعودی عرب پہنچنے تک کے مناظر کے بعد، مناہل نے وہ لمحہ بھی شیئر کیا جب ان کی پہلی نظر خانہ کعبہ پر پڑی اور ان کی آنکھوں سے آنسو جاری ہوگئے۔
ویڈیو کا اختتام ان الفاظ پر ہوا، ’’بے شک، اللہ کے گھر سے خوبصورت کوئی جگہ نہیں ہے۔‘‘
اس روح پرور ویڈیو کو شیئر کرتے ہوئے مناہل ملک نے کیپشن میں لکھا ’’الحمدللہ، میرا پہلا عمرہ مکمل ہوگیا۔ شکریہ اللہ! مجھ جیسے گناہگار کو اپنے گھر میں داخل ہونے کا موقع دیا،آج میں بہت خوش ہوں کیونکہ میں ذلیل تھی، میں حقیر تھی، تیرے در کا ایک فقیر تھی، تونے ایک ہی سجدے میں مجھے کیا سے کیا بنا دیا۔‘‘
مناہل ملک کی اس پوسٹ پر سوشل میڈیا صارفین اور ان کے فینز نے انہیں مبارکباد دی ہے۔
کئی صارفین نے لکھا ’’اللہ آپ کے گناہوں کو معاف فرمائے اور آپ کو مزید نیکیوں کی توفیق دے۔‘‘
کچھ نے کہا’’یہ ویڈیو دیکھ کر دل کو سکون ملا۔‘‘