امیتابھ بچن اور انوشکا شرما کو بائیک کا سفر پڑا مہنگا، ویڈیوز وائرل 

(ویب ڈیسک) بالی ووڈ کے سینئر اداکار امیتابھ بچن اور اداکارہ انوشکا شرما کے بغیر ہیلمٹ پہنے موٹر سائیکل پر سفر کرنے پر ممبئی پولیس نے ایکشن لے لیا۔

گزشتہ روز امیتابھ بچن نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر شیئر کی جس میں وہ ٹریفک جام کے درمیان ایک اجنبی آدمی کے ساتھ بائیک پر سفر کرتے نظر آرہے ہیں۔

View this post on Instagram

A post shared by Amitabh Bachchan (@amitabhbachchan)

اُنہوں نے بائیک رائیڈر کا شکریہ ادا کرتے ہوئے لکھا کہ’میں آپ کو نہیں جانتا لیکن آپ نے میری بات مان لی اور بہت جلدی اتنے ٹریفک جام سے بچا کر مجھے وقت پر میری منزل تک پہنچایا‘۔

دوسری جانب، اداکارہ انوشکا شرما کو بھی ٹریفک جام سے بچنے کے لیے اپنے ایک باڈی گارڈ کے ساتھ بائیک پر سفر کرتے ہوئے دیکھا گیا۔

#AnushkaSharma ditches the car and takes a bike ride to travel in the city! pic.twitter.com/jUwiCsyhbJ

— Pinkvilla (@pinkvilla) May 15, 2023

امیتابھ بچن اور انوشکا شرما کی یوں بغیر ہیلمٹ پہنے بائیک پر سفر کرنے کی تصاویر اور ویڈیوز انٹرنیٹ پر وائرل ہونے کے بعد جہاں کچھ لوگوں نے دونوں اداکاروں کی تعریف کی تو وہیں کچھ ایسے صارفین بھی تھے جنہوں نے ممبئی پولیس کو ٹیگ کرتے ہوئے اس بات کی نشاندہی کی کہ دونوں اداکار ہیلمٹ کے بغیر بائیک پر سفر کر رہے تھے۔

@MumbaiPolice No helmet?

— ???????????????????????????????????????????????????????? (@Chalbaechal) May 15, 2023

جس کے بعد ممبئی پولیس نے اپنے آفیشل ٹوئٹر اکاؤنٹ پر صارفین کو آگاہ کیا کہ’اس معاملے کے بارے میں ٹریفک برانچ کو آگاہ کردیا گیا ہے‘۔

مزید پڑھیں: کانز فلم فیسٹیول میں فلمی ستارے جگمگانے کو تیار،میلے کا آغاز آج ہوگا

واضح رہے کہ امیتابھ بچن فلم ’پروجیکٹ کے‘ میں دیپیکا پڈوکون اور پربھاس کے ساتھ نظر آئیں گے جبکہ انوشکا شرما فلم ’چکدا ایکسپریس‘سے بیٹی ویمیکا کوہلی کی پیدائش کے بعد فلم انڈسٹری میں واپسی کے لیے تیار ہیں۔