ظالم خاوند کا بیوی کو الٹا لٹکا کر بدترین تشدد۔ ۔دل دہلا دینے والی ویڈیو 

(ویب ڈیسک) خواتین پر تشدد  جیسے واقعات میں آئے روز اضافہ ہوتا جارہا ہے۔ اسی طرح کا ایک واقعہ بہاولنگر کے نواحی علاقے موضوع قمر دین ہانس میں پیش آیا جہاں سفاک خاوند  نے بیوی پر تشدد  کرکے ظلم کی مثال قائم کر دی۔

ظالم خاوندنے دوسری شادی کرنے کے لئے بیوی کو رسی سے باندھ کر تشدد کا نشانہ بنایا اور تشدد کرنے کی ویڈیو بنا کر سسرال بھجوا دی۔

فوٹیج میں سفاک خاوند کو اپنی بیوی کو اس کے ہاتھ پاؤں رسی سے باندھ کر سوٹی سے تشدد کرتے دیکھا جاسکتا ہے۔خاتون درد کے مارے چیخیں مارتی رہی مگر ظالم  کو ترس نہ آیا۔

بہاولنگر کے علاقہ رانجھے والا کھوہ میں ملزم کا اپنی بیوی کو الٹا لٹکا کر تشدد
ڈنڈے بھی مارتا رہا@OfficialDPRPP pic.twitter.com/xDtF933bOj

— Crime World (@CrimeWorld5) November 15, 2021

ویڈیو وائرل ہونے پر پولیس حرکت میں آگئی،ڈی پی او  بہاولنگر محمد ظفر بزدار کے حکم پرایس پی انویسٹی گیشن فاروق کمیانہ کی نگرانی میں پولیس ٹیم موقع پر پہنچ گئی۔ پولیس نے موقع سے رسی، سوٹی اور دیگر سامان قبضے میں لے لیاجبکہ پولیس کی اطلاع ملنے پر ملزم موقع سے فرار ہو گیا ۔ پولیس کا کہنا ہے کہ ملزموں کو جلد گرفتار کرکے متاثرہ خاتون کو انصاف فراہم کیا جائے گا۔

 یہ بھی پڑھیں: سڑک پار کرنا لڑکیوں کو مہنگا پڑ گیا۔۔ ویڈیو دیکھیں