(24نیوز)عوامی نیشنل پارٹی کے سابق سینیٹر الیاس احمد بلور 84 سال کی عمر میں انتقال کر گئے۔
عوامی نیشنل پارٹی کی خاتون رہنما ثمر ہارون بلور کے مطابق سابق سینیٹر الیاس احمد بلور کا انتقال ہو گیا ہے،الیاس بلور کی نمازِ جنازہ کل دوپہر 2 بجے پشاور کے وزیر باغ میں ادا کی جائے گی۔
مرحوم الیاس بلوراے این پی کے رہنما غلام احمد بلور اور شہید بشیر احمد بلور کے بھائی تھے۔
الیاس احمد بلور9جنوری 1940ء کوپشاورکے ایک سیاسی گھرانے میں پیداہوئے،ایڈورڈکالج سے ایف اے کرنے کے بعد1969 ء کوکراچی یونیورسٹی سے بی اے کیا، 1999ء میں الخیر یونیورسٹی آزادجموں وکشمیرسے ایم بی اے مارکیٹنگ کی ڈگری بھی حاصل کی تھی،وہ 2012 ء میں عوامی نیشنل پارٹی کی طرف سے سینیٹرمنتخب ہوئے تھے۔