دھند اورسموگ کے باعث حد نگاہ کم،پروازوں کا شیڈول متاثر

 (24نیوز)علامہ اقبال انٹرنیشنل ایئرپورٹ پردھند اورسموگ کے باعث حد نگاہ 200 میٹر پر پہنچ گئی جس کے باعث لاہورآنیوالی پروازوں کا شیڈول متاثر ہورہا ہے۔

ایوی ایشن ذرائع کے مطابق کراچی سے لاہورآنے والی نجی ایئرلائن کی پرواز 401 حد نگاہ کم ہونے کی وجہ سے لینڈ نہ ہو سکی،لاہورکی حدود میں 10 منٹ سے زائد چکر لگانے کے بعد پرواز کا رخ واپس موڑ دیا گیا،جدہ سے لاہور آنے والی غیر ملکی ایئرلائن کی پرواز 738 رات 12 بجے کی بجائے تقریباً 10 گھنٹے کی تاخیر سے لاہور پہنچے گی۔

نجی ایئرلائن کی جدہ سے لاہور آنے والی پرواز 822 شام ساڑھے سات جبکہ نجی ایئرلائن کی دبئی سے لاہور آنے والی پرواز 417 شام چھ بجے تک تاخیر کا شکارہے۔

اسی طرح غیرملکی ایئرلائن کی جدہ سے لاہورآنے والی پرواز 734 ساڑھے 10 کے بجائے ساڑھے تین گھنٹے کی تاخیر سے لاہورپہنچے گی جبکہ نجی ایئرلائن کی شارجہ سے لاہور آنے والی پرواز 501منسوخ کر دی گئی ہے۔