پنجاب انتخابات: پی ٹی آئی کے بڑے بڑے نام الیکشن میں حصہ نہیں لیں گے

(24 نیوز) پی ٹی آئی کی پنجاب کی ٹکٹوں کے حوالے سے حیران کن فیصلے سامنے آگئے، بڑے بڑے نام پنجاب انتخابات کی دوڑ میں حصہ نہیں لیں گے۔

 پی ٹی آئی ذرائع کے مطابق شاہ محمود قریشی، فواد چوہدری اور حماد اظہر کو ٹکٹ نہیں ملے گا۔ ڈاکٹر مراد راس، شبیر گجر اور ظہیر عباس کھوکھر بھی ٹکٹ حاصل کرنے میں ناکام رہے ہیں۔

پارٹی ذرائع کے مطابق پی ٹی آئی نے پنجاب کی 80 فیصد نشستوں کے ٹکٹ فائنل کر لیے ہیں۔ پی ٹی آئی کی جانب سے کل ٹکٹوں کا حتمی اعلان متوقع ہے۔

 واضح رہے الیکشن کمیشن کے شیڈول کے مطابق ٹکٹ جمع کرانے کی تاریخ 19 اپریل ہے۔