علی سیٹھی نے انٹرنیشنل کوچیلا فیسٹیول میں "پسوڑی" گا کر تاریخ رقم کردی

Apr 17, 2023 | 23:26:PM
علی سیٹھی نے انٹرنیشنل کوچیلا فیسٹیول میں
Stay tuned with 24 News HD Android App
Get it on Google Play

(ویب ڈیسک) پاکستانی گلوکار اور موسیقار علی سیٹھی نے دنیا کے سب سے بڑے میوزک فیسٹیول "کوچیلا ویلی میلے" میں گانے "پسوڑی" گا کر نئی تاریخ رقم کردی۔

تفصیلات کے مطابق "پسوڑی" کو علی سیٹھی نے پہلی بار گلوکارہ شائے گل کے ہمراہ" کوک سٹوڈیو سیزن 14 "میں گایا تھا جو دیکھتے ہی دیکھتے عالمی سطح پر مقبول ہوگیا,"پسوڑی" سال 2022 میں گوگل پر سرچ کیے جانے والا سب سے مقبول گانا تھا جب کہ وہ یوٹیوب پر عالمی گانوں کی فہرست میں بھی کئی ہفتوں تک ٹاپ پر رہا تھا۔

جبکہ پاکستانی گلوکار علی سیٹھی اور انڈین گلوکاراداکار دلجیت دوسانج نے انٹرنیشنل کوچیلا فیسٹیول میں اپنے اپنی ڈیبیو پرفارمنس دے کر ایک نئی تاریخ رقم کردی۔

دلجیت دوسانج پہلے پنجابی گلوکار ہیں جنہوں نے کوچیلا فیسٹیول میں پرفارمنس دی اور انہوں نے اپنی شاندار گلوکاری سے حاضرین کو مایوس نہیں کیا۔ علی سیٹھی نے اپنے شہرہ آفاق گانے ’پسوڑی‘ پر پرفارمنس دی اور مداحوں کو ان کی گلوکاری ایک بڑے ایونٹ میں بہت زیادہ پسند آئی۔پاکستانی گلوکار کی طرف سے شیئر کی جانے والی ویڈیو پر فلم اور تھیئٹر ڈائریکٹر میرا نائر، شرمین عبید چنائے اور عدنان ملک نے دل والے ایموجیز دے کر پسندیدگی کا اظہار کیا ہے۔

  

دلجیت دوسانج کی پرفامنس والی ویڈیو پر عالیہ بھٹ، کرینہ کپور اور سونم کپور نے تعریفی کمنٹ تحریر کیے ہیں۔

View this post on Instagram

A post shared by Coachella (@coachella)

 
کوچیلا فیسٹول ایک معروف انٹرنیشل ایونٹ ہے اور اس میں جنوبی ایشیائی فنکاروں کو شامل کیا جاتا ہے تاکہ موسیقی کی جہت کو مزید بڑھایا جائے۔

یا درہے کہ اس سے قبل گزشتہ سال پاکستانی نژاد امریکی گلوکارہ عروج آفتاب نے بھی کوچیلا میں پرفارمنس کی تھی جب کہ دیگر بھارتی اور پاکستانی گلوکار و فنکار بھی ماضی مین کوچیلا کا حصہ بنتے آئے ہیں۔

علی سیٹھی کی شاندار پرفارمنس پر صبا قمر سمیت فلم ساز شرمین عبید چنائے اور عدنان ملک سمیت دیگر شخصیات نے ان کی تعریفیں کرتے ہوئے انہیں مبارک باد پیش کی۔

دیگر کیٹیگریز: انٹرٹینمنٹ
ٹیگز:

متعلقہ خبریں