(ویب ڈیسک)معروف اداکار فواد خان فلم"عبیر گلال" کے ذریعے 9 سال بعد بالی ووڈ میں واپس آرہے ہیں اوراس فلم میں ان کے معاوضے کے حوالے سے حیران کن انکشاف سامنے آیاہے۔
فواد خان آخری مرتبہ 2016 میں ریلیز ہونے والی کامیاب بالی ووڈ فلم "کپور اینڈ سنز"‘ میں جلوہ گر ہوئے تھے جس کے بعد دونوں ممالک کے درمیان بڑھتے ہوئے سیاسی تناؤ کے سبب فواد خان بھی دیگر پاکستانی اداکاروں کی طرح بالی ووڈ سے غائب رہے۔
حال ہی میں فواد خان کی فلم "عبیر گلال" کا پہلا گاناریلیز کیا گیا ہے،اس فلم کے رومانوی گانے کا ٹائٹل"خدایا عشق" ہے جس میں فلم کی مرکزی اداکارہ وانی کپور کو بھی دیکھا جاسکتا ہے۔
میڈیاکی رپورٹس کے مطابق بالی ووڈ انڈسٹری کے اندرونی ذرائع کی جانب سے دعویٰ کیا گیا ہے کہ فواد خان نے فلم"عبیر گلال" میں اداکاری کیلئے 5 سے 10 کروڑ بھارتی روپے معاوضہ وصول کیا ہے جبکہ پاکستانی ٹیلی ویژن ڈراموں کے لیے فواد خان کی ایک قسط کا معاوضہ15 سے 20 لاکھ روپے ہے۔
فلم "عبیر گلال" کیلئے مرکزی اداکارہ وانی کپور کا معاوضہ تقریباً ڈیڑھ کروڑ بھارتی روپے بتایا گیا ہے
واضح رہے کہ فلم " عبیر گلال"‘ کے ڈائریکٹر آرتی ایس بگدی ہیں اور اس کی شوٹنگ لندن میں کی گئی،اسے 9 مئی 2025 کو ریلیز کیاجارہاہے۔
یہ بھی پڑھیں:خوشی کپور نے ویدانگ رائنا کیساتھ تعلقات کا اعلان کردیا
فواد خان نے 2014 میں سونم کپور کے ساتھ فلم "خوبصورت"کے ذریعے بالی ووڈ میں ڈیبیو کیا تھا اور اس فلم میں بہترین اداکاری پر انہیں فلم فیئر ایوارڈسے بھی نوازاگیا تھا،اس کے بعدانہوں نے 2016 میں فلم"اے دل ہے مشکل' میں مختصر جب کہ "کپور اینڈ سنز" میں مرکزی کردار نبھایا تھا۔