(ویب ڈیسک)بالی ووڈ کی معروف اداکارہ سوہا علی خان نے انکشاف کیا ہے کہ ان کے خاندان کو ایک بھوت کی وجہ سے اپنا آبائی گھر چھوڑناپڑاتھا ۔
بھارتی میڈیا کی رپورٹس کے مطابق حال ہی میں ریلیز ہونے والی ہارر فلم"چھوری 2" میں اداکاری کے جوہر دکھانے والی اداکارہ نے حقیقی زندگی میں پیش آنے والے ڈراؤنے واقعے سے پردہ اُٹھا تے ہوئے بتایا کہ جس وقت ہمارا خاندان پیلی کوٹھی رہتا تھا اس وقت پٹودی خاندان کا پہلی بار کسی بھوت سے واسطہ پڑا۔
اداکارہ نے بتایا کہ یہ میری پیدائش سے پہلے کی بات ہے اس لیے مجھے اس کی صداقت کا صحیح نہیں معلوم لیکن پٹودی محل کے ساتھ ہی ایک محل ہے، جسے پیلی کوٹھی کہتے ہیں، ہمارا خاندان پہلے وہاں رہتا تھا، اس وقت بظاہر، کسی بھوت نے میری پھوپھی کو تھپڑ مارا تھا، جس کے نشان ان کے چہرے پر دکھائی دیئے تھے، اس سے وہ خوفزدہ ہو گئی تھیں۔
انہوں نے بتایا کہ اس خوفناک واقعے کی وجہ سے ان کے خاندان نے راتوں رات وہاں سے پٹودی محل سے منتقل ہونے کا فیصلہ کیا۔
یہ بھی پڑھیں:ظہیراقبال سے طلاق کی پیشگوئی:سوناکشی سنہا نے کرارا جواب دیدیا
سوہا علی نے یہ بھی بتایا کہ پیلی کوٹھی پٹودی محل کے پاس ہی ہے اس کے باوجود آج بھی خالی اور کھنڈر حالت میں ہے جس کی کوئی تو وجہ ضرور ہے کہ لوگ وہاں رہنا نہیں چاہتے۔