فرانس:چارلی ہیبڈو کے دفتر پر حملے کی معاونت، 14 افرادکو سزا 

 (24نیوز) فرانسیسی عدالت نے متنازع فرانسیسی میگزین چارلی ہیبڈو کے دفتر پر 5 سال قبل ہونے والے حملے کے الزام میں14 افراد کو سزا سنادی۔عدالت کی جانب سے عدم ثبوتوں کی بنیاد پر اس اقدام کو دہشت گردی کا واقعہ قرار نہیں دیا گیا۔
خیال رہے کہ میگزین کی جانب سے شائع کیے گئے توہین آمیز خاکوں کے ردعمل 7 جنوری 2015 کو میگزین کے دفتر پر حملہ کیا گیا تھا ،جس میں مدیر اور کارٹونسٹ سمیت 12 افراد ہلاک ہوگئے تھے، جب کہ حملہ آور دونوں بھائی بھی پولیس مقابلے میں مارے گئے تھے بعد ازاں ایسے ایک اور حملے میں مزید 5 افراد مارے گئے تھے۔

  رپورٹ کے مطابق 11افرادزیر حراست ہیں جب کہ تین کی غیرموجودگی میں ان کے خلاف مقدمہ چلایا گیا،جن کے متعلق شک ہے کہ وہ شام فرار ہوچکے ہیں، ان سب افراد پر میگزین کے دفتر اور دیگر حملوں میں معاونت کا الزام تھا۔عدالت کے 5 ججز پر مشتمل بینچ نے حملوں کی معاونت کرنے والے مرکزی ملزم علی رضا اور ایک مقتول کی بیوہ جو کہ مبینہ طور پر شام میں موجود ہے کو 30،30 سال قید کی سزائیں سنائیں، جب کہ دیگر کو بھی مختلف میعاد کی سزائیں سنائی گئی ہیں۔عدالت کی جانب سے عدم ثبوتوں کی بنیاد پر اس اقدام کو دہشت گردی کا واقعہ قرار نہیں دیا گیا۔خیال رہے کہ متنازع فرانسیسی میگزین چارلی ہیبڈو نے رواں سال اکتوبر میں ایک بار پھر شان رسالتﷺ میں گستاخی کرتے ہوئے توہین آمیزخاکے شائع کردیے تھے جس کے بعد فرانس میں ایک بار پھر متعدد حملے کیے گئے تھے اور دنیا بھر میں احتجاج بھی کیاگیا تھا۔