(24نیوز)نیشنل جونیئر اسکواش چیمپین شپ کے تیسرے روز انڈر 19 کے مقابلوں میں نور زمان نے محمد فرحان اور اشب عرفان نے خوشحال ریاض کو شکست دیدی۔
تفصیلات کے مطابق لڑکیوں کے مقابلوں میں زینب خان نے نورالعین کو اور مائرہ حسین نے حرا عقیل کو ہرایا۔نیشنل جونیئر اسکواش چیمپین شپ کا فائنل 18 دسمبر کو اسلام آباد سپورٹس کمپلیکس میں کھیلا جائے گا۔
انڈر 19 کے اسکواش مقابلوں میں حمزہ شریف، نور زمان، حذیفہ شاہد، فرحان ہاشمی، خوشحال ریاض، فواد حسین، عشب عرفان، اسداللّٰہ خان کامیاب ہوئے ہیں۔دوسری طرف گرلز سنگلز میں زینب خان ، نمرا عقیل ،نور العین ،فجر حمید ، زہرا عبداللّٰہ، حرا عقیل، مائرہ حسین، سبغا ارشد کامیاب رہیں۔اسلام آباد میں پاکستان اسکواش فیڈریشن کے تحت نیشنل جونیئر اسکواش چیمپئن شپ کے دوسرے روز کواٹر فائنلز کھیلے گئے۔ سیمی فائنل کل ہوں گے۔