قا ئد اعظم ٹرافی میں ناردرن کاسندھ کے ساتھ میچ ڈرا ہو گیا

(24نیوز)سب سے بڑے ڈومیسٹک ایونٹ قائد اعظم ٹرافی کے سلسلے میں نیشنل اسٹیڈیم میں ناردرن اور سندھ کے درمیان کھیلا جانے والا میچ ڈرا ہو گیا ہے۔ ناردرن کی جانب سے حماد اعظم اور مبصر خان کی بیٹنگ پرفارمنس نے میچ ڈرا کروانے میں اہم کردار ادا کیا۔
تفصیلات کے مطا بق نیشنل اسٹیڈیم میں کھیلے گئے میچ میں ناردرن نے سندھ کے خلاف چوتھے اور آخری روز اپنی دوسری اننگز دوبارہ شروع کی تو ان کو اننگز کی شکست کا خطرہ تھا لیکن فرسٹ کلاس ڈیبو کرنے والے نوجوان مبصرخان اور تجربہ کار آل راﺅنڈر حماد اعظم نے سندھ کے بولرز کا ڈٹ کر مقابلہ کیا۔دونوں نے نہ صرف سنچریاں بنائیں بلکہ پانچویں وکٹ پر 294رنز کی شراکت بھی قائم کی، مبصر خان نے 164رنز کی اننگز کھیلی جبکہ حماد اعظم نے 145ر نز بنائے۔ ناردرن نے 120 اوورز کھیل کر چھ وکٹ پر 423 رنز اسکور کیے اور میچ ڈرا کرنے میں کامیاب رہی۔