”میری بیٹی کی تصویرنہ بنائیں“ویرات کوہلی نے صحافیوں کو روک دیا

(ویب ڈیسک)بھارتی کرکٹ ٹیم کے سابق کپتان ویرات کوہلی نے صحافیوں کو اپنی بیٹی وامیکا کی تصاویر لینے سے منع کردیا ۔جس کی ویڈیو سوشل میڈیا پر وائرل ہورہی ہے ۔
 یہ بھی پڑھیں:ویسٹ انڈیز کیخلاف اچھی کارکردگی ۔۔محمد رضوان کا ایک اور ریکارڈ
تفصیلات کے مطابق ویرات کوہلی کی سوشل میڈیا پر ایک ویڈیووائرل ہورہی ہے جس میں دیکھا جاسکتا ہے کہ ممبئی ایئر پورٹ پر وہ  بس سے اترتے ہیں تو ان کیساتھ انکی اہلیہ انوشکا شرما اور انکی بیٹی وامیکا بھی موجود ہوتی ہیں ۔ویرات کوہلی بس سے اتر کر نیچے صحافیوں کے پاس پہنچے جبکہ انوشکا شرما وامیکا کو اٹھائے ہوئے بس میں ٹھہری رہیں اورانہیں صحافیوں سے چھپاتی رہیں۔

View this post on Instagram

A post shared by Viral Bhayani (@viralbhayani)

ویڈیو میں دیکھا جاسکتا ہے کہ انوشکا شرما بار بار وامیکا کا چہرہ اپنی طرف کرلیتی ہیں تاکہ باہر کھڑے صحافی ان کی تصاویر نہ لے سکیں۔ویرات کوہلی نے بس سے اتر کر صحافیوں سے درخواست کی کہ میری بیٹی کی تصاویر مت لینا برائے کرم جس کی وجہ سے صحافیوں نے صرف ویرات کوہلی کی تصاویر لیں ۔ویرات کوہلی اپنی اہلیہ کیساتھ جنوبی افریقہ کے دورے پر روانہ ہورہے تھےجہاں وہ جنوبی افریقہ کیساتھ میچ کھیلیں گے ۔
 یہ بھی پڑھیں:بھارتی ٹیم میں کپتانی کا تنازعہ ۔۔کوہلی کی پریس کانفرنس نے ہنگامہ کھڑا کردیا