کراچی ٹیسٹ کا پہلا روز: پاکستان ٹیم پہلی اننگز میں 304 رنزبناکر آل آؤٹ

(ویب ڈیسک)انگلینڈ کے خلاف سیریز کے تیسرے اور آخری ٹیسٹ میچ کی پہلی اننگز میں پاکستان ٹیم 304 رنز بنا کر آل آؤٹ ہوگئی۔ 

کراچی کے نیشنل اسٹیڈیم میں کھیلے جارہے میچ میں پاکستان کے کپتان بابر اعظم نے ٹاس جیت کر پہلے بیٹنگ کرنے کا فیصلہ کیا۔پاکستان کی جانب سے عبداللہ شفیق اور شان مسعود نے اننگز کا آغاز کیا تاہم عبد اللہ شفیق 8 رنز بنا کر لیچ کی گیند پر ایل بی ڈبلیو ہو گئے جبکہ 46 کے مجموعے پر شان مسعود بھی 30 رنز بنا کر مارک ووڈ کی گیند پر کیچ آؤٹ ہو گئے۔کھانے کے وقفے سے قبل آخری اوور میں  اظہر علی اولی رابنسن کی گیند پر وکٹوں کے پیچھے کیچ آؤٹ ہو گئے، انہوں نے 45 رنز کی اننگز کھیلی۔ 

We make 3️⃣0️⃣4️⃣ in the first innings ????#PAKvENG | #UKSePK pic.twitter.com/UdYQgsrRX9

— Pakistan Cricket (@TheRealPCB) December 17, 2022

سعود شکیل 23 رنز بنا کر ریحان احمد کا شکار بنے جبکہ محمد رضوان 19 رنز بنا کر جو روٹ کی فل ٹاس گیند پر  بین اسٹوکس کو کیچ دے بیٹھے، بابر اعظم 78 رنز بنا کر رن آؤٹ ہوئے جبکہ فہیم اشرف 4 رنز کے مہمان ثابت ہوئے۔آغا سلمان اور نعمان علی نے انگلش بولرز کے سامنے مزاحمت کی کوشش کی لیکن 20 رنز بنا کر نعمان علی بین اسٹوکس کا شکار بنے۔نعمان کے بعد آغا سلمان بھی 56 اور ابرار 4 رنز بنا کر پویلین لوٹ گئے اور یوں قومی ٹیم پہلی اننگز میں 304 رنز پر آل آوٹ ہوگئی۔