(ویب ڈیسک)بالی ووڈ اداکارہ شہناز گل کے وائرل ٹرینڈ "موئے موئے" ورژن نے سوشل میڈیا پر دھوم مچا دی، صارفین تعریف کئے بنا نہ رہ سکیں۔
بھارتی ریئلیٹی شو ’بگ باس‘ سیزن 13 سے شہرت حاصل کرنے والی اداکارہ شہناز گِل یوں تو اپنی دلکش تصاویر اور ویڈیوز کے سبب سوشل میڈیا صارفین کو متوجہ کیے رکھتی ہیں تاہم انکی حالیہ ویڈیو نے مایوس چہروں کو بھی مسکرانے اور قہقہہ لگانے پر مجبور کردیا۔
اگر آپ بھی سوشل میڈیا پر فعال ہیں تو "موئے موئے" کے الفاظ اور اس پر بنی مزاحیہ ریلز تو آپ کی بھی نظروں سے ضرور گزری ہوں گی، جہاں ہر کوئی خود کو اس ٹرینڈ کا حصہ بنا رہا ہے وہیں اداکارہ شہناز گِل نے بھی مزاحیہ ویڈیو سوشل میڈیا کی زینت بنا کر مداحوں کو لوٹ پوٹ کردیا۔
فلم "کسی کا بھائی کسی کی جان" سے بالی ووڈ میں ڈیبیو دینے والی اداکارہ شہناز گلِ نے انسٹاگرام اکاؤنٹ پر اپنے بھائی آرٹسٹ شہباز بادشاہ ،سلیبریٹی مینیجر میگھنا اگروال، مشہور میک اپ آرٹسٹ راجن پاسی کے ہمراہ "موئے موئے" پرمبنی مزاحیہ ویڈیو شیئر کی جو دیکھتے ہی دیکھتے وائرل ہوگئی۔اداکارہ شہناز اپنے بھائی اور دیگر لوگوں کے ہمراہ اس انداز سے ویڈیو بنانے میں مگن تھیں کہ ہر دیکھنے والا تعریف کرنے پر مجبور ہوگیا۔
یہ بھی پڑھیں:میکال ذولفقار نے شادی کیلئے اپنی پسندیدہ اداکارہ کا نام بتادیا
شہناز گل کی "موئے موئے" ویڈیو نے جیسے ہی سوشل میڈیا کا رخ کیا وہیں صارفین کی ایک بڑی تعداد نے کمنٹ سیکشن میں دلچسپ تبصرے شروع کردیے,ایک صارف نے لکھا کہ"یہ آپکا خفیہ ٹیلنٹ ہے اسے جاری رکھیں۔"
ایک اور صارف کا شہناز کی ویڈیو پر پسندیدگی کا اظہار کرتے ہوئے کہنا تھا کہ"جسٹ لوکنگ لائک واہ"۔