برائلر مرغی کا گوشت مزید سستا ہوگیا

(ویب ڈیسک)برائلر مرغی کے گوشت کی قیمتوں میں اتار چڑھاؤ  کا سلسلہ جاری ہے جبکہ  لاہور میں مرغی کا گوشت مزید سستا ہو گیا۔

مرغی کا گوشت 29 روپے کلو سستا ہو گیا، سرکاری نرخنامے میں مرغی کے گوشت کی فی کلو قیمت 403 روپے مقرر کی گئی ہے جبکہ  گزشتہ روز گوشت 432 روپے کلو تھا۔

زندہ برائلر مرغی کی قیمت میں بھی 20 روپے کی کمی ہوئی ہے جس کے بعد زندہ برائلر کا تھوک ریٹ 264 روپے کلو جبکہ زندہ برائلر کا پرچون ریٹ 278 روپے کلو ہو گیا ہے۔

یہ بھی پڑھیں : ایپل اپنی فولڈ ایبل ڈیوائس کب متعارف کرائے گا؟

ملتان میں برائلر مرغی کا تھوک ریٹ 264 روپے کلو، پرچون ریٹ 278 روپے کلو جبکہ گوشت کا ریٹ 400 روپے کلو مقرر کیا گیا ہے۔گزشتہ روز اسلام آباد مرغی کا گو شت 400 روپے کلو تھا۔

سرکاری نرخنامے میں انڈوں کی قیمت میں کوئی ردوبدل نہیں کیا گیا ہے، انڈوں کی فی درجن قیمت 324 روپے برقرار رکھی گئی ہے۔