شراب یا منشیات کے زیر اثر گاڑی چلانے والے ہوشیار ہوجائیں

(ویب ڈیسک) شراب یا منشیات کے زیر اثر گاڑی چلانے والوں کو اب اے آئی کیمرے سے پکڑا جا سکے گا جس کا پہلی بار انگلینڈ میں ڈیون اور کارن وال کاؤنٹی میں تجربہ کیا گیا ہے۔

اے آئی کیمرہ ایسے ڈرائیوروں کے رویے کا پتہ لگا سکتا ہے جو شراب یا منشیات کی وجہ سے غیرمتوازن ہو جاتے ہیں۔ نشاندہی پر فوری پولیس کو الرٹ جاتا ہے جس کے بعد پولیس سڑک کے کنارے گاڑی کو روک کر، ڈرائیور سے بات کرکے الکوحل یا منشیات کے اثرات کو چیک کرنے والا ٹیسٹ انجام دے سکتی ہے۔

کیمرہ ڈویلپر کمپنی ایکوسینس کے جنرل مینیجر، جیوف کولنز نے کہا کہ ہمیں یہیں ڈیون اور کارن وال کاؤنٹی میں اس ٹیکنالوجی کی پہلی آزمائشوں کا انعقاد کرتے ہوئے خوشی ہورہی ہے۔

یہ بھی پڑھیں : ایپل صارفین کیلئے اہم خبر

انہوں نے مزید کہا کہ اگر ہم زندگیوں کو تباہ کرنے والے کسی واقعے کا سے پہلے خرابیوں کا پتہ لگا لیں تو ہم سب محفوظ رہیں گے۔

کیمرہ کسی بھی سڑک پر تیزی سے گھوم سکتا ہے اور بغیر کسی انتباہ کے ڈرائیوروں کو اس بات کا علم ہی نہیں ہونے دیتا کہ وہ کیمرے میں آگئے ہیں جب تک کہ پولیس انہیں روک نہ لے۔