گوجرانوالہ:اسنوکر کلب میں فائرنگ ،2جاں بحق ،ایک زخمی
Stay tuned with 24 News HD Android App
(24نیوز)گوجرانوالہ کے ایک اسنوکر کلب میں فائرنگ کے نتیجے میں 2 افراد جاں بحق جبکہ 1 زخمی ہو گیا، جھگڑا اسنوکر کے گیم پر لگے جوئے کی وجہ سے ہوا۔
تفصیلات کے مطابق واقعہ گوجرانوالہ کے علاقے دھلے میں پیش آیا جہاں پر اسنوکر کے گیم پر جوئے کے تنازع پر نوجوانوں میں جھگڑا ہو گیا۔
ملزم شمشاد اور ذیشان نے فائرنگ کر کے عدیل اور تنزیل کو قتل کر دیا جبکہ فائر لگنے سے 1 شخص زخمی بھی ہو گیا۔ فائرنگ کرنے کے بعد ملزم موقع سے باآسانی فرار ہونے میں کامیاب ہو گئے۔
واضح رہے کہ پولیس نے مقتولین کی لاشوں کو پوسٹ مارٹم کے لیے ڈی ایچ کیو ہسپتال منتقل کر دیا ہےجبکہ ملزموں کی تلاش جاری ہے۔