دھند ۔۔ٹریفک حادثات،11 افراد جاں بحق،65 سے زائد زخمی

(24نیوز) پنجاب کے مختلف علاقوں میں دھند کے باعث ٹریفک حادثات میں 11 افراد جاں بحق اور 65 سے زائد زخمی ہو گئے۔

 تفصیلاتس کے مطابق قائد آباد میں میانوالی خوشاب روڈ پر منی ٹرک اور وین میں تصادم کے نتیجے میں 7 افراد جاں بحق اور 9 زخمی ہوگئے۔نارووال میں نیو لاہور روڈ پر شدید دھند کے باعث مسافر بس الٹ گئی۔ حادثے میں2 افراد جاں بحق اور 20 زخمی ہوگئے۔ گوجرانوالہ جی ٹی روڈ کامونکی چیانوالی کے قریب ہونے والے حادثے میں 16 گاڑیاں آپس میں ٹکرا گئیں۔ ریسکیو ذرائع کے مطابق حادثے میں 12 افراد زخمی ہوگئے، زخمیوں کو ہسپتال منتقل کر دیا گیا۔ حادثے کے باعث جی ٹی روڈ پر گاڑیوں کی لمبی قطاریں لگ گئیں۔

چونیاں میں چھانگا مانگا روڑ پر دھند کے باعث سکول رکشہ فٹ پاتھ سے ٹکرا گیا۔ حادثے میں رکشہ ڈرائیور سمیت 7 طالب علم شدید زخمی ہوگئے ۔ میاں چنوں میں دھند کے باعث بس اور ٹرک میں ٹکر ہونے سے 7 افراد زخمی ہو گئے، زخمیوں کو علاج معالجے کے لئے ہسپتال منتقل کر دیا گیا۔فیروزوالہ کالا خطائی روڈ پر تیز رفتار ٹرک بے قابو ہوکر دو موٹر سائیکلوں سے ٹکرا گیا، حادثے میں دو افراد جاں بحق اور دو زخمی ہو گئے جنہیں میو ہسپتال  منتقل کر دیا گیا۔