بیر ون ملک جانے وا لوں کے لئے خو شخبری،پا سپو رٹ فیسوں میں کمی کا اعلان

(24 نیوز) حکومت نے پاسپورٹ کی فیسوں میں کمی کا نوٹیفیکیشن جاری کر دیا۔36 صفحات پر مشتمل نارمل پاسپورٹ کی فیس 3 اور ارجنٹ کی پانچ ہزارمقرر کر دی   گئی ہے۔ 
 تفصیلا ت کے مطا بق پانچ سال کے لئے 72 صفحات پر مشتمل نارمل پاسپورٹ کی فیس 55 سو اور ارجنٹ کی 9 ہزار ، پانچ سال کے لئے 100 صفحات پر مشتمل نارمل پاسپورٹ کی فیس 6 ہزار اور ارجنٹ کی 12 ہزار کی گئی ہے۔
اسی طرح دس سال کے لئے 36 صفحات پر مشتمل نارمل پاسپورٹ کی فیس 45 سو اور ارجنٹ کی 75سو، دس سال کے لئے 72 صفحات پر مشتمل نارمل پاسپورٹ کی فیس 8250 اور ارجنٹ کی 13 ہزار پانچ سو، دس سال کے لئے 100 صفحات پر مشتمل نارمل پاسپورٹ کی فیس 9 ہزار اور ارجنٹ کی 18 ہزار کر دی گئی ہے۔

مقرر کردہ فیسوں کا اطلاق 17 فروری سے ہو گا۔ ڈائریکٹوریٹ جنرل امیگریشن اینڈ پاسپورٹ نے فیسوں میں کمی کا باقاعدہ نوٹیفیکیشن جاری کر دیا ہے۔