سکول مالکان ہو شیار۔ سموسے، پکوڑے اور نان ٹکی کی فروخت پر پابندی

(ویب ڈیسک)   سی ای او ایجوکیشن پرویز اخترخان کا کہنا ہے کہ سکولوں کی کنٹین پر تلی ہوئی اور کھلی اشیا فروخت کرنے پر پابندی لگا دی گئی ہےجب کہ  فروٹ چاٹ، آلو چنے اور سلنڈر والا چولہا جلانے پر بھی پابندی عائد کر دی گئی ہے۔

تفصیلات کے مطابق سکولوں میں صرف فوڈ اتھارٹی سےمنظورہ شدہ اشیا ہی فروخت کرنے کی اجازت ہوگی جبکہ سموسے، پکوڑے اور نان ٹکی فروخت نہیں کی جاسکے گی۔ قوانین کی خلاف ورزی پر کنٹین کو بھاری جرمانہ کیا جائے گا یا کنٹین سیل کردی جائے گی، اس بارے میں ڈسٹرکٹ ایجوکیشن اتھارٹی لاہور نے تمام سکولوں کو ہدایت جاری کردی۔

  سی ای او ایجوکیشن پرویز اخترخا ن نے کہا ہے کہ احکامات کی خلاف ورزی پر متعلقہ سکول سربراہان کو بھی انکوائری میں شامل کیا جائے گا۔

واضح رہے کہ اس سے قبل سکولوں میں مضر صحت مشروبات بیچنے  پر بھی پابندی عائد کی گئی تھی۔

دوسری جانب لاہور کے مختلف سکولوں میں کورونا ایس او پیز کی خلاف ورزی پر ایجوکیشن اتھارٹی نے نوٹس لیا،سی ای او، ڈی ای اوز اور ڈپٹی ڈی ای اوز سکولوں کا وزٹ کریں گے، اسسٹنٹ ڈائریکٹرز اور اے ای اوز بھی سکولوں کا وزٹ کریں گے۔

 انسپکشن ٹیمیں سکولوں میں صفائی، فرنیچرز، فنڈز کے ریکارڈ کا جائزہ لیں گی، دوران وزٹ ایجوکیشن ، ٹائم ٹیبل ،حاضری،پلے گرائونڈز اور بائونڈری وال کا بھی معائنہ کیا جائے گا۔ کوتاہی کی صورت میں متعلقہ سکول سربراہان کیخلاف کارروائی کی جائے گی۔
 یہ بھی پڑھیں:    عمران خان کو مہنگائی کا حساب دینا پڑیگا۔ بھاگنے نہیں دینگے۔ مریم نواز