لیاقت چٹھہ ذہنی دباؤ کا شکار، ہسپتال  داخل کرانا چاہیے،راناثنااللہ

(24نیوز)رہنما مسلم لیگ ن رانا ثنا اللہ کا کہنا ہے کہ مستعفی ڈپٹی کمشنر راولپنڈی لیاقت چٹھہ ذہنی دباؤ کا شکار ہے، سب سے پہلے لیاقت چٹھہ کو ہسپتال میں داخل کرانا چاہیے۔

لیاقت چٹھہ کے ویڈیو بیان پر ردعمل دیتے ہوئے سابق وزیرداخلہ نے کہا کہ الیکشن کو متنازع کرنے کی کوشش کی جارہی ہے، بدقسمتی ہے کہ کمشنر راولپنڈی نے ایسی گفتگو کی،راناثنااللہ نے کہا کہ جس آدمی نے خودکشی کی کوشش کی وہ ذہنی دباؤ کا شکارہے، اگر انہوں نے دھاندلی کرائی بھی تو اسکی سزا موت نہیں، پاکستان کا کوئی قانون ایسا نہیں جو چوک پر پھانسی کی اجازت دے، انہوں نے کہا کہ کمشنر نے خودکشی کی کوشش کی ہے، وہ ذہنی دباؤ کا شکار ہے۔

 دوسری جان رہنما ن لیگ نے کہا کہ حکومت نہ لینے کی وجہ یہ الزامات نہیں ہیں، ن لیگ میں مضبوط رائے پائی جاتی ہےہمیں حکومت نہیں بنانی چاہیے، ہمیں کسی صورت یہ مصیبت اپنے گلے نہیں لٹکانا چاہیے، سب کے ساتھ شامل ہوکر معاملے کو آگے بڑھانے کی کوشش کرنی چاہیے، نوازشریف نے اس پر اب تک کوئی فیصلہ نہیں کیا۔

واضح رہے کہ کمشنر راولپنڈی لیاقت علی چھٹہ نے عام انتخابات 2024  میں مبینہ دھاندلی کے الزامات اور  خوفناک انکشافات کے بعد اپنے عہدے سے استعفیٰ دے دیا۔

یہ بھی پڑھیں ؛  کمشنر راولپنڈی نے خود کو پولیس کے حوالے کر دیا