امریکا میں برفانی طوفان نے تباہی مچا دی، 9 افراد ہلاک

(24نیوز)امریکا کی شمال مشرقی ریاستوں میں برفانی طوفان نے بتاہی مچا دی جس سے شہری اپنے گھروں میں محدود ہوکر رہ گئے۔

خبرایجنسی کی رپورٹ کے مطابق برفانی طوفان کے نتیجے میں اب تک 7 انچ برف پڑ چکی ہے،شدید سردی سے 9 افراد ہلاک ہوگئے، ریاست کینٹکی میں بارش اور سیلاب سے 8 افراد جان سے گئے۔ زیادہ تر ہلاکتیں گاڑیاں پانی میں ڈوبنے کی وجہ سے ہوئیں۔

رپورٹ کے مطابق ورجینیا، میری لینڈ اور پنسلوینیا میں برفافی طوفان کا الرٹ جاری کردیا گیا ہے،ادھر کینیڈا میں شدید برفباری سے 150 زائد پروازیں منسوخ کردی گئیں۔

اونٹاریو اور مغربی کیوبیک میں بھی طوفانی برفباری کا الرٹ جاری کردیا گیا۔ جنوبی اونٹاریو میں 15 سے 25 سینٹی میٹر اضافی برفباری کا امکان ہے۔