عمران خان کو تنہا جیل حکام کے رحم وکرم پر نہیں چھوڑا جا سکتا ، فیصل چودھری

(ارشاد قریشی) پاکستان تحریک انصاف کےبانی چیئرمین اور سابق وزیر اعظم عمران خان کے وکیل فیصل چودھری نے کہا ہے کہ بانی پی ٹی آئی کو تنہا جیل حکام کے رحم و کرم پر نہیں چھوڑا جاسکتا، ہمیں پتہ ہے جیل حکام اپنے معاملات میں اتنے ازاد نہیں ہیں،بلکہ بہت ساری جگہوں پر محکوم ہیں۔ 

اڈیالہ جیل کے باہر میڈیا سے گفتگو کرتے ہوئےفیصل چوہدری کا کہنا تھا کہ کورٹ آرڈر اور پاوور آف اٹارنیز جیل انتظامیہ کو بجھوائے ہیں،جو انڈر ٹرائل پرزنرز،قیدی ہیں ان تک وکلاء کی رسائی نہیں روکی جا سکتی،گزشتہ اکتوبر میں بھی ملاقاتوں پر پابندی عائد رہی،جس پر مجھے ایسی صورتحال میں عدالت میں درخواست دائر کرنے کی ہدایت کی گئی تھی۔ 

ان کا کہنا تھا کہ جس طرح اج کیس کی سماعت لمبی ملتوی کی گئی اس پر شکی ہوں،جج صاحب کی چھٹی کے باعث اتنے اہم کیس کی سماعت 26اور 27فروری تک ملتوی کر دی گئی ،اتنے دن تک بانی پی ٹی آئی کی وکلاء اور فیملی سے ملاقات روکنا باعث تشویش ہے۔ 

ان کا مزید کہنا تھا کہ ہم چاہتے ہیں کہ بانی سے ملاقات ہو تاکہ پی ٹی آئی کارکنان کو ان کی صحت و زندگی کےبارے میں بتائیں کہ وہ ٹھیک ہیں،بانی پی ٹی ائی کو تنہا جیل اتھارٹیز کے رحم وکرم پر نہیں چھوڑا جا سکتا۔ 

یہ بھی پڑھیں : سابق وفاقی وزیر عدالت کے باہر سے گرفتار