(طیب سیف) وفاقی وزیر داخلہ محسن نقوی نے قومی اسمبلی کو بتایا ہے کہ وفاقی دارالحکومت میں گزشتہ دو سالوں میں جرائم کی شرح میں کمی ہوئی ہے،2023 کے مقابلے میں 2024 میں 11 فیصد کم جرائم ہوئے۔
رپورٹ کے مطابق وفاقی وزیر داخلہ محسن نقوی نے ایک سوال پر تحریری جواب قومی اسمبلی میں جمع کروا دیا ہےجس میں بتایا گیا ہے کہ2023 کے مقابلے میں 2024 میں 11 فیصد کم جرائم ہوئے۔ سال 2024 میں 1596 مجرموں پر مشتمل 686 گینگز کو پکڑا گیا۔ 2024 میں 80 کروڑ 26 لاکھ سے زائد مالیت کی چوری شدہ اشیاء کو برآمد کیا گیا۔ ڈولفن فورس، موبائل پیٹرولنگ یونٹس اور 15 کے ذریعے شہریوں کو محفوظ بنایا جا رہا ہے۔
وزیر داخلہ نے تحریری جواب میں کہا ہے کہ سال 2024 میں کل 231 سرچ آپریشنز منعقد کئے گئے۔ ہوٹل آئی ایپ کے ذریعے 200 ملزمان کی گرفتاری عمل میں لائی گئی۔اس وقت دارالحکومت میں مختلف لوکیشنز پر 3159 سی سی ٹی وی کیمرہ لگائے گئے ہیں۔
یہ بھی پڑھیں:قلات اور گردنواح میں زلزلے کے شدید جھٹکے