(ویب ڈیسک) اٹلی کے شہر روم کےہسپتال میں زیر علاج کیتھولک عیسائیوں کے مذہبی پیشوا 88 سالہ پوپ فرانسس کے علاج کی نوعیت کو تبدیل کر دیا گیا۔
رپورٹ کے مطابق ویٹیکن سے جاری بیان میں کہا گیا ہے کہ پوپ فرانسس کی سانس کی نالی میں پولی مائیکروبیل انفیکشن کی تشخیص ہوئی ہے، پیچیدہ طبی صورتحال کی وجہ سے پوپ فرانسس کا علاج تبدیل کر دیا گیا ہے۔بیان میں مزید کہا گیا ہے کہ پوپ فرانسس ابھی اسپتال میں ہی زیر علاج رہیں گے۔88 سالہ پوپ فرانسس سانس لینے میں دشواری ہونے پر کئی روز سے اسپتال میں داخل ہیں۔
واضح رہے کہ پولی مائیکروبیل شدید نوعیت کا انفیکشن ہوتا ہے، جو وائرس، بیکٹریا، فنگس اور پیراسائٹس ایک ساتھ جمع ہوجانے پر ہوتا ہے۔
یہ بھی پڑھیں: یہ اسمبلی قانونی جواز نہیں رکھتی،ہمارے پٹیشنز سنی نہیں جارہیں،سلمان اکرم راجہ