کونسے قومی کرکٹر نے کیرئیر خطرے میں ڈال دیا:محمد عامر کا انتباہ

(24 نیوز)پاکستانی کرکٹ ٹیم کے سابق فاسٹ بائولر محمد عامر نے قومی کرکٹر حارث روف کی متوقع انجری سے قومی ٹیم کو خبردار کر دیا ہے۔

عامر کے مطابق محمد حارث کی جانب سے محض تین میچز کے لیے اپنے کیرئیر کو خطرے میں ڈالنا بے وقوفی ہوگی۔

سابق فاسٹ باولر نے اپنے خیالات کا اظہار کرتے ہوئے کہا ہے کہ اگر حارث رؤف انجری سے مکمل نجات حاصل نہیں کر پا رہے تو قومی ٹیم کو انہیں چیمپئنز ٹرافی کے میچز میں شریک کروا کر خطرہ مول نہیں لینا چاہئے۔

اپنے حالیہ انٹرویو میں محمد عامر نے کہا کہ انجری کے ساتھ حارث رؤف میچ میں اپنا 100 فیصد نہیں دے سکیں گے۔

انہوں نے مزید کہا کہ اگر حارث رؤف سائیڈ اسٹرین انجری کا شکار ہیں تو وہ چھ ہفتوں سے قبل مکمل ٹھیک نہیں ہو سکتے لیکن اگر ایسا نہیں تو پھر معاملہ مختلف ہے اگر سائیڈ اسٹرین انجری پہلے یا دوسرے درجے کی ہے تو پھر ٹھیک ہونے میں کم سے کم چھ ہفتے لگیں گے۔

واضح رہے کہ سہ ملکی سیریز کے پہلے میچ میں حارث رؤف باولنگ کے دوران انجری کا شکار ہوکر محض 6.2 اوورز ہی کروا سکے تھے اور سیریز سے باہر ہوگئے تھے۔

مزید پڑھیں: چیمپیئنز ٹرافی 2025 کے وہ بلے بازجو مخالف ٹیم کے بولنگ کو تہس نہس کرسکتے ہیں