(24 نیوز) جنوبی افریقہ کی کرکٹ ٹیم اور دیگر سٹاف کا کورونا ٹیسٹ منفی آ گیا ہے، مہمان ٹیم کے کھلاڑی آج سے کراچی میں پریکٹس شروع کر دیں گے۔
تفصیلات کے مطابق ساؤتھ افریقن کرکٹ حکام کی جانب سے بتایا گیا ہے کہ کراچی پہنچنے کے بعد کھلاڑیوں اور آفیشلز کے کورونا ٹیسٹ ہوئے تھے، ان ٹیسٹ رپورٹس میں پورے سکواڈ کے کورونا ٹیسٹ کے نتائج منفی آئے ہیں۔ٹیسٹ منفی آنے کے بعد جنوبی افریقہ کی ٹیم آج سے کراچی جیم خانہ میں ٹریننگ کا آغاز کرے گی۔جنوبی افریقہ کی ٹیم کی ٹریننگ کے دوران میڈیا کو آنے کی اجازت نہیں ہو گی، جنوبی افریقن ٹیم کے کپتان کوانٹن ڈی کوک کل ورچوئل پریس کانفرنس کریں گے۔ پاکستان اور جنوبی افریقہ کے درمیان ٹیسٹ سیریز کا آغاز 26 جنوری سے ہو گا۔