(ویب ڈیسک) ویمنز آئی پی ایل کیلئے بھارتی بورڈ نے میڈیا رائٹس 951 کروڑ میں دیدیے۔
ویمنز آئی پی ایل کے میڈیا رائٹس وایاکوم 18 نے جیت لیے، مذکورہ کمپنی ہر میچ کے لیے 7.09 بھارتی کروڑ ادا کرنے کی پابند ہوگی، معاہدہ پانچ برس کیلئے طے ہوا ہے اور یہ 2027ء تک قابل عمل رہے گا، کمپنی مجموعی طور پر 951 بھارتی کروڑ ادا کرے گی۔
بھارتی بورڈ کے سیکرٹری جے شاہ نے اس کا اعلان سوشل میڈیا پر کیا ہے، انھوں نے کہا کہ اس معاہدے سے عالمی ویمن کرکٹ میں انقلاب برپا ہوگا۔ پانچ ٹیموں کے فاتح فرنچائز کا اعلان 25 جنوری کو متوقع ہے۔ ایونٹ 5 سے 23 مارچ تک ہوگا۔
دوسری جانب متھالی راج نے ویمنز آئی پی ایل کیلئے ریٹائرمنٹ ترک کرنے کا فیصلہ کرلیا، انھوں نے بھارت کیخلاف آخری ٹی 20 انٹرنیشنل 2019ء میں کھیلا تھا، 37.52 کی اوسط سے بھارت کی جانب سے 89 ٹی 20 میچز میں 2364 رنز نام کرنے والی سابق کپتان ویمنز آئی پی ایل میں شریک ہوں گی جو ممکنہ طور پر مارچ میں ہوگی، شریک پانچ ٹیموں کے نام جنوری کے اواخرتک سامنے آجائیں گے۔