انٹرنیشنل لیگ میں فخرزمان کی مار دھاڑ، ٹیم کو فتح دلا دی
Stay tuned with 24 News HD Android App
(24 نیوز )متحدہ عرب امارات کرکٹ بورڈ کے زیراہتمام ہونے والی انٹرنیشنل لیگ میں فخر زمان نے شاندار بیٹنگ سے اپنی ٹیم کو فتح دلا دی۔
ٹی ٹوئنٹی انٹرنیشنل لیگ فخر زمان نے اپنی ٹیم ڈیزرٹ وائپرز کو ایم آئی امارات کے خلاف فتح دلوا دی، ایم آئی امارات کو پانچ وکٹوں سے شکست کا سامنا کرنا پڑا۔
گزشتہ روز انٹرنیشنل لیگ میں ڈیزرٹ وائپرز اور ایم آئی امارات کے درمیان میچ میں ایم آئی امارات نے پہلے بیٹنگ کی اور مقررہ 20 اوورز میں 6 وکٹوں کے نقصان پر 159 رنز بنائے۔
مزید پڑھیں:پاکستانی ثمر خان نے ایشیا سے باہر دنیا کی بلند ترین چوٹی کو سر کرلیا
ڈیزرٹ وائپرز نے مطلوبہ ہدف 19.1 اوورز میں 5 وکٹوں کے نقصان پرحاصل کر لیا، ڈیزرٹ وائپرز کی طرف سے فخر زمان نے شاندار 67 رنز بنائے اور ٹیم کی فتح میں اہم کردا ر ادا کیا۔
انہوں نے 52 گیندوں پر 67 رنزبنائے اس اننگ میں 5 چوکے اور 4 چھکے شامل تھے، بہترین کارکردگی کی بنیاد پر پاکستانی کھلاڑی کو پلیئر آف دی میچ بھی قرار دیا گیا۔