(24نیوز)محکمہ موسمیات نے ملک کے بیشتر علاقوں میں گرج چمک کے ساتھ بارش اور برفباری کی پیشگوئی کردی۔
آج رات موسم کی صورتحال کے حوالے سے موسم کا حال بتانے والوں کا کہنا ہے کہ ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد اور مطلع جزوی ابر آلود رہنے کا امکان ہے، پنجاب کے بیشتر اضلاع،بالا ئی سندھ اور خیبر پختونخوا کے میدانی علاقوں میں درمیانی سے شدید دُھند چھائے رہنے کی توقع ہے۔
ہفتہ کے روز موسم کی صورتحال کے حوالے سے محکمہ موسمیات کا کہناہے کہ اسلام آباد اور گردونواح میں دن کے اوقات میں موسم سرد اور خشک جبکہ رات میں مطلع جزوی ابر آلود رہنے کے علاوہ ہلکی بارش کا امکان ہے،صبح کے اوقات میں چند مقامات پر کہرا پڑنے کی بھی توقع ہے۔
محکمہ موسمیات نے خیبرپختونخوا کے چترال، دیر، سوات، شانگلہ، کوہستان، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، کرک اور کوہاٹ، میں تیز ہوائیں/جھکڑ چلنے کےساتھ بارش اور پہاڑوں پر برفباری کا امکان ظاہر کیا ہے، صوبہ کے دیگر اضلاع میں موسم سرداور مطلع ابرآلود رہنے کا بھی امکان ہے۔
پنجاب کے بیشتر اضلاع میں موسم سرد اورخشک رہنے کا امکان ہے، لاہور، شیخوپورہ، قصور ،ا وکاڑہ، ساہیوال ، سیالکوٹ، نارووال ،گوجرانوالہ، منڈی بہاؤالدین، جہلم، گجرات، میانوالی، رحیم یار خان، خان پور، بہاولنگر، بہاولپور، پاکپتن، خانیوال، وہاڑی، فیصل آباد، ٹوبہ ٹیک سنگھ، جھنگ اور گرد و نواح میں درمیانی سے شدید دھند چھاۓ رہنے کی توقع ہے تاہم مری، گلیات اورگردونواح میں موسم شدیدسرد رہنے کےساتھ شام/رات میں مطلع ابر آلود رہنے کے ساتھ ہلکی بارش/برفباری کی توقع ہے۔
بلوچستان میں کوئٹہ سمیت زیارت، چمن، پشین، قلعہ عبداللہ، قلعہ سیف اللہ، چاغی، نوشکی، قلات، بارکھان، خضدار، ہرنائی، ژوب، موسیٰ خیل،خاران، کیچ، پنجگور اور گوادرمیں تیز ہوائیں،جھکڑ چلنےکےساتھ بارش اور پہاڑوں پر برفباری کا امکان ہے۔
سندھ صوبہ کے بیشتر اضلاع میں موسم سرد اورخشک رہنے جبکہ رات کے اوقات میں سکھر ، شہید بینظیر آباد،شکارپور، کشمور، دادو، لاڑکانہ، خیر پور، ٹنڈوجام اور گردونواح میں درمیانی سے شدید دھند پڑنے کی توقع ہے۔
کشمیر اور گلگت بلتستان میں موسم شدید سرد اور مطلع ابرآلود رہنے کے ساتھ بارش اور برفباری کی توقع ہے۔
یہ بھی پڑھیں: شدید سردی اوربرف باری،چند شہروں میں بارش کاامکان