ضمنی انتخابات، کنٹرول رومز  قائم،پولنگ اسٹیشنز کی سخت نگرانی

(24نیوز) پنجاب  ضمنی انتخابات کی مانیٹرنگ کیلئے مرکزی و صوبائی کنٹرول رومز  قائم کر دیئے گئے ۔

تفصیلات کے مطابق ترجمان الیکشن کمیشن کا کہنا ہے کہ الیکشن کمیشن اسلام آباد میں مرکزی کنٹرول روم قائم کیا گیا ہے، مرکزی کنٹرول روم سے چیف الیکشن کمشنر سکندر سلطان راجہ پولنگ کی نگرانی کر  رہے ہیں اس کے علاوہ صوبائی کنٹرول روم لاہور سے سیکرٹری الیکشن کمشنر نگرانی کر رہے ہیں۔

الیکشن کمیشن نے پولنگ سے متعلق شکایت کیلئے ٹیلی فون نمبرز 3-9204402-051 اور 8-9210837 جاری کر دیئے ہیں، شکایات فیکس نمبر 9204404-051 پر بھی بھیجی جا سکتی ہیں۔

دوسری جانب چیف الیکشن کمشنر سکندر سلطان راجہ کا کہنا ہے کہ پولنگ میں مداخلت کو برداشت نہیں کیا جائے گا، خلاف ورزی کرنے والوں کے خلاف فوری ایکشن لیا جائے گا، پولنگ کا عمل شفاف بنانے کےلئے ہر ضروری اقدامات کئے گئے ہیں۔

یہ بھی پڑھیں: چیف الیکشن کمشنر کی جان کو خطرہ