شیخ رشید کی جلیل شرقپوری کے حوالے سے مبینہ آڈیو لیک، تہلکہ مچ گیا

(24نیوز) شیخ رشید کی ایک مبینہ آڈیو لیک نے سوشل میڈیا پر تہلکہ مچا دیا ہے۔ جس میں وہ مبینہ طور پر چودھری گل زمان نامی شخص سے بات کررہے ہیں۔ آڈیو میں سنا جاسکتا ہے کہ شیخ رشید کہہ رہے کہ آپ نے جلیل شرقپوری کو پیمنٹ کردی۔

جس کے جواب میں گل زمان نامی شخص کہتا ہے کہ یہ ٹیلیفون ہے خدا کے بندے، صورتحال دیکھنا بیڑا پار ہوگا، انشا اللہ۔ جس کے جواب میں شیخ رشید کو کہتے سنا جاسکتا ہے کہ میں نے آپ کی وجہ سے بیپر دیا ہے کہ دیکھیں پھر کیا ہوتا ہے۔

یہ بھی پڑھیں: شاہ محمود قریشی کے الزامات مسترد،الیکشن کمیشن کا نوٹس جاری کرنے کا فیصلہ

اس کے بعد گل زمان نامی شخص کہتا ہے کہ آپ نے میری وجہ سے بیپر دیا اللہ پردہ رکھنے والا ہے۔ اس کے بعد شیخ رشید استفسار کرتے ہیں کہ ابھی نکلے نہیں آپ اتنا زبردست الیکشن ہے؟ گل زمان اس کے جواب میں کہہ رہے ہیں کہ ابھی نکلتے ہیں پھر آپ کو خبریں دیتے ہیں۔